សុភាសិតខ្មែរ

ឃុបឃិត​ជនពាល​រាលទុក្ខ​ដល់​ខ្លួន។ ឃើញ​ដំរី​ជុះ កុំជុះ​តាម​ដំរី។ ចេះដប់ មិនស្មើ​ប្រសប់​មួយ។ ចេះមកពីរៀន មានមកពីរក។ (ក្រពីខ្ជិល) ចេះ​មិនឈ្នះ​ចង់។ ចូលស្ទឹង​តាមបទ ចូលស្រុក​តាមទេស។ ចេះ​ឯង​ឲ្យ​ក្រែង​ចេះ​គេ។ ឈើកោង​ធ្វើកង់ ឈើត្រង់​ធ្វើទូក (ទូករទេះ)។ ឈ្នះ​មនុស្ស​ទន់ខ្សោយ ដោយការ​សង្គ្រោះ ឈ្នះ​មនុស្ស​​ខ្ពង់ខ្ពស់ ដោយការ​គោរព ឈ្នះ​មនុស្ស​ស្មើគ្នា ព្យាយាម​ថ្ងៃយប់ ឈ្នះ​សព្វ​ឈ្នះគ្រប់ ឈ្នះចិត្ត​ខ្លួនឯង។ ទឹកត្រជាក់​ត្រីកុំ។ និយាយ​យប់​ផ្ទប់ព្រៃ និយាយ​ថ្ងៃ​ព្រៃ​មានត្រចៀក។ ធ្វើគុណ​គេ​កុំសដែង តែង​កុំបំភ្លេច​គុណ​របស់គេ ធ្វើស្រែនឹងទឹក ធ្វើសឹកនឹងបាយ ផ្លូវវៀច​កុំបោះបង់ ផ្លូវត្រង់​កុំ​ដើរហោង។ ពុត​គ្រូ​កុំត្រាប់ ច្បាប់គ្រូ​ឲ្យ​តាម។ ពេលប្រយុទ្ធ ​ត្រូវការ​មនុស្សខ្លាំងក្លា ពេលមានបញ្ហា​ត្រូវការ​បណ្ឌិត ពេលដែល​មានទុក្ខ​ត្រូវការ​ធម៌​ពិត បានឃើញ​ចិត្ត​មិត្ត​នៅពេល​អន្តរាយ។ មើល​សមត្ថភាព​ប្តី​ពេល​ទុក្ខលំបាក ពេលក្រ​តោកយ៉ាក ឃើញ​ចិត្ត​ប្រពន្ធ។ ស្អាត​ដោយសារ​ចិត្តល្អ មិនចេះក្រ​ដោយសារ​ចេះគ្រប់។ អ្នកខ្សោយធ្វើរបាំង អ្នកខ្លាំងធ្វើរបង អ្នកខ្វាក់យកជាខ្នង អ្នកកោងកាចយកជាគ្នា។